Edoni Group nis digjitalizimin e sistemit të shitjeve: porosi online, raportim në kohë reale dhe zgjerim rajonal

Edoni Group SHPK ka nisur fazën e parë të transformimit digjital të sistemit të shitjeve dhe menaxhimit të partneriteteve, si pjesë e strategjisë së rritjes për periudhën 2026–2028. Faza e parë përfshin implementimin e platformës online të porosive B2B, sistemi i raportimit të shitjeve sipas zonave dhe agjentëve, si dhe integrimin e komunikimit të drejtpërdrejtë midis klientëve dhe ekipit tregtar.

Sipas drejtuesve të kompanisë, digjitalizimi ka si qëllim kryesor rritjen e efikasitetit operacional, reduktimin e gabimeve të porosive, kursimin e kohës për agjentët e shitjes dhe ofrimin e një eksperience më të qartë dhe transparente për partnerët. Sistemi do të mundësojë partnerëve të ndjekin statusin e porosisë, historikun e blerjeve dhe çmimorin e tyre preferencial nga çdo pajisje.

“Ne kemi ndërtuar 37 vjet marrëdhënie bazuar në besim dhe fjalë të mbajtur,” tha Flamur Ajvazi, CEO i Edoni Group. “Digjitalizimi nuk e zëvendëson atë marrëdhënie, e forcon dhe e bën edhe më efikase. Partneri ynë duhet ta ketë informacionin para se të na telefonojë.”

Paralelisht me digjitalizimin e brendshëm, Edoni Group po punon për zgjerimin e prezencës rajonale, duke synuar tregjet fqinje me produktet e linjës Private Label të certifikuara sipas standardeve europiane.

Edoni Group SHPK — Suhadoll, Rr. Van Gog, Graçanicë — info@edoni-ks.com — www.edoni-ks.com